MENU

"Se brüsa la vègia"

CULTURA E SPETTACOLO - 05 03 2017 - Redazione

CONDIVIDI

/brucia la vecchia Tirano

Questa sera a partire dalle ore 20.30 a Tirano, in località Rodun, si è svolto il tradizionale falò del "Brüsa la vègia".

 

Foto di Tonino Poloni

 

‘N brüsa la vègia

(Clicca qui per ascoltare il file audio)

 

L’è scià la vègia tüta svèrgula sü ‘l carèt,

l’è fàcia de strasc, l’è‘mbutìda de pàia,

l’è brüta, l’è strìa, la g’à ‘n cràpa‘n panèt,

la g’à i öcc de védru e ‘l nas a tenàia.

 

I matèi pü fort i la scàrga e i la pùnda

sü ‘n gran mutèl de bachèt de fasöi,

ntànt che i bòci i g’à fa la gran ùnda

ulsàndu e sbasàndu i gros paiaröi.

 

Ilò sü ‘l patìbul la vègia la spìa fo fìss,

quand’ècu che ‘n um bun cùma ‘l pan

l’ùsa “U gént,‘l vangélu ‘l pruibìs

de brüsà li vègi e de fach malàgn!”

 

La gént rabbiùsa la dis “Gnàa par sùgn!

I noss vècc che i éra gént de cràpa fìna

i brüsava li vègi strìi fin che gh’éra bisùgn,

lur i diséva che i purtàva sémpri rüina.

 

Iscì àa nòtri che ‘n sa mìga cretìn

n g’à de brüsà li vègi ‘ngramignàdi,

n g’à dirìtu de viv cuntént ‘n pitìn

e laurà ‘n pas ‘n deli nòsi cuntradi”.

 

Quand’ècu che i pa cun i so raisìn

i òlsa sü olt la ràma cu ‘l bachèt de fasöl,

po i va dala vègia e ilò sut visìn

i pìza ‘l mutèl de lègna cu ‘l paiaröl.

 

La vègia la brüsa cùma ‘n zufranèl,

i ràis i cur cuntént ‘ntra bràsa e scarìzi,

cun i öcc spiritàa i ùsa: “che bèl,che bèl

brüta vegiàscia adès ta farée pü stremìzi!!”

 

Pianìn la sa ‘ncòsta e ‘l par che la crìda

po la crùda ‘n dela bràsa a tuchèi.

L’è iscì che la vègia strìa la sa ‘ncenerìda

tra schèrs e grignàdi dei noss bèi matèi.

 

Méngu ( dizione di Cici Bonazzi )

GALLERY

LASCIA UN COMMENTO:

DEVI ESSERE REGISTRATO PER POTER COMMENTARE LA NOTIZIA! EFFETTUA IL LOGIN O REGISTRATI.

0 COMMENTI