MENU

LA FILASTRÒCA DEI PALÙN DÈLA LÜS

CULTURA E SPETTACOLO - 24 06 2014 -

CONDIVIDI

/palo-della-luce_pilone-elettricità-Tirano
Sono ormai trascorsi dieci anni dalla costruzione della linea elettrica a 380 kV che, con i 23 grandiosi tralicci e luccicanti fili, fa da corona alla città di Tirano dal borgo di Cologna sino a Piattamala. Le moderne comodità, volute e gradite da tutti noi, hanno bisogno dell’energia che corre in quei fili sorretti da torri di acciaio dipinte di bianco e rosso. Tutto ha un costo e, nel nostro caso, il prezzo pagato è un panorama mutato. Sfortunato l’osservatore che serba nel suo cuore come era la nostra Valle, ma l’animo umano “ assimila” con il tempo ciò che muta come una scheggia d’acciaio conficcata nella pelle. Così sarà anche per il grande spazio prativo del S. Michele che fa da verde e fresca aureola al Santuario della Madonna di Tirano.  

La filastròca dei Palùn dèla lüs

‘N del prim palùn sa cuntémpla la gésa de Culùgna che cun ‘l so campanìl bàs ‘l par che la rùgna. ‘N del segùnt palùn sa cuntémpla li cà de Culùgna e li bèli sèlvi che i spìa fo nervùsi e rabbiusi cùma bèlvi. ‘N del tèrs palùn sa cuntémpla la prìma sgalàda dei pumée del Campùn che i dis rabbiùs: ‘n maierìi pü de pùm! ‘N del quart palùn sa cuntémpla la ràta del Campùn, ‘ndùa ‘‘n del setémbru del 1621 i è stacc cupàa tancc Grisùn. ‘N del quint palùn sa cuntémpla la stràda Rùsa che adès, a vardà bée i mür, l’è bianca e rùsa. ‘N del sèst palùn sa cuntémpla li prìmi sèlvi de Tiràn che per chèi fìì déla lüs i spìa fo rabbiùsi cùma càn. ‘N del sètim palùn sa cuntémpla la tur dei Turèi che la crìda: palùn, sìi pü òlt de mi, ma gnàa ‘n pit bèi ! ‘N del utàv palùn sa cuntémpla ‘l Castelàsc che i ‘na vedüü de tüti, ma mìga cùma stu fatàsc. ‘N del nònu palùn sa cuntémpla la ca dei Gatèi che da ilò tanc palùn i par brücc fradèi. ‘N del décim palùn sa cuntémpla i fìi dela lüss che i comincia a rampegà sü par la val Scigùt, e a vardài bée i fa vegnì ‘l sanglùt. ‘N del ündicésim palùn sa cuntémpla la òlta del Persèch, òciu, tùca mìga chèi fìi sedenò ta rèstet sèch ! ‘N del dudicésim palùn sa cuntémpla la segùnda Crus, car Signùr tée mìga vardàa giù abòt; ‘n dèl bùsch ilò sùt ‘l gh’è ‘n palùn brüt e scimmiòt. ‘N del trediscésim palùn sa cuntémpla la val dela Gànda ‘ndùa ‘l gìra ‘l Prevàt che ‘l benedìs i palùn ‘n müdànda. ‘N del quatordicésim palùn sa cuntémpla li sèlvi de Vulpéra, tücc i castagnée i diss: adès ‘n g’à adòs la maéra. ‘N del quindicésim palùn sa cuntémpla l’Àda e ‘l Pus’ciavìn che a vedè chèli tùr de fèr i lücia cùma puiatìn. ‘N del sedicésim palùn sa cuntémpla l’àrgin dèstru del Pus’ciavìn I palùn i è ilò visìn àli pasegiadìni deli màmi e dei raisìn. . ‘N del diciasetésim palùn sa cuntémpla ’l punt de fèr dèla feruvìa, vergìni, chèi sü ‘l trènu, tücc stremìi a vardà ‘l palùn, i diserà sü l’Àve Mària, ‘N del diciotésim palùn sa cuntémpla chèl che par la Tur Eifèl, ilò ‘l pàsa ‘l tirùn de Vìla, vardìi mìga sü sedenò ‘l sücederà ‘n macèl. ‘N del dicionövésim palùn sa cuntémpla la statua de S. Michél che ‘l gìra la so spàda rabbiùs per fa a fèti ‘l ciél. ‘N del vintésim palùn sa cuntémpla S. Perpétua che se la sa màla de tumùr la gh’à gnàa la mùtua. . ‘N del del vintünésim palùn sa cuntémpla li cà del Cantùn, ilò ‘l gh’è int l’àqua bùna e gent che fa la bügada ‘n del segiùn. ‘N del vintiduésim palùn, ‘l ghè de l’òtra part, i Ciòca e Runch sbasìi i öcc parchè ilò l’è post de àqua bùna e de funch. ‘N del vintitréesìm palùn sa cuntémpla i fìi dela lüs che da l’Italia i sa tàca a chèi Svìzzer cùma grant amìs. L’è de ilò che ‘l rüà fo la scòsa preziùsa cùma benìs. Chèsta l’è la filastròca dei palùn e, per mi che l’ò cüntàda, l’è mèi che tràbìs sü ‘na grant òra par digerì tücc i vintitrìi rustèi. Ma per mè cunsulaziùn, ‘ndòo ‘n mèz ai pràa del S. Michèl iscì mai bèi, par gòt, fìn che i gh’è,‘n pìt de pas e a sentì cantà i urscèi. Aetius

GALLERY

LASCIA UN COMMENTO:

DEVI ESSERE REGISTRATO PER POTER COMMENTARE LA NOTIZIA! EFFETTUA IL LOGIN O REGISTRATI.

1 COMMENTI

15 07 2014 13:07

Bernardo Gabriele Ferrari

La nostra Via Crucis non è fatta di 14 stazioni, ma da 23 ! LIBERA NOS DOMINE, dai lampi e dai trun e dalla corrente dei Grisun.