Preghiera dell'Amico Cici: "Car Signur"

Car Signur

Sü ‘l Gòlgota dela vìta

‘n t’à ‘ncùntra u Signùr.

I è pesàncc i noss pas,

li nòsi paròli

i è fòi pü sènsa culùr.

La To crus, i Töö spin,

‘l To dulùr ‘l trapàsa

i noss cör.

Te sée tacàa sü la Crùs,

cun li màa trapasàdi

e i pée sbügiàa

de gros ciòo de cantée,

cun la bèla frunt

curunàda de spin.

U car Signùr,

T’é purtàa la gran crus,

fìna ‘nscìma a chèl munt,

par töch giù a i murtài

i cùlpi ‘mpilàdi

cun sécui de mài.

Notri por pelegrìn,

anginögià sùra i sas

‘n ta dumànda perdùn

cùma ségn de amùr.

Cici Bonazzi

(a cura di Méngu)