La S. Mèsa de Natàl

Dàli Alpi e dal Masücc

'l rüa giù ària de Natàl,

li scìmi deli muntàgni

ià metüü sü 'n mantèl biànch.

Giù 'n paés li cuntràdi iè tüti illüminàdi

e li spécia la stèla cuméta

che cùma dumìla agn fa

la illüminàva 'l crot e la présee,

'n dùa l'éra nasüü 'l Babìn Gesü,

stanòcc la illüminerà

'l presépi del paés.

Per la ricurénza déla natività,

fo rée 'l Viàl Italia speciàndu la mezanòcc

li lüs li trèma par ralegrà la gént

prùnta a festegià.

L'è mezzanòcc, li campàni dela Basilica

li sùna a fèsta la S. Mèsa de Natàl,

per unurà il Bambin Gesü.

L'ària festante la pòrta sü 'n del ciél

La meludìa deli campàni

parché li stèli li partécipi àla divìna nocc.

'N dela gésa la gént la sa stréncc sü,

la préga, la cànta inni sàcri

a Gesù Bambino.

'L prufüm d'incéns 'l sa slàrga

e 'l mèt 'n mantèl de viva fede

a tüta la gént.

De cör Va aügüri Bun Natàl

A tücc quàncc.

di Andreina Bellesini (1929-2007)

( a cura di Ezio Méngu)