Premiazione del Concorso di Poesia Dialettale a Sondalo: Vince Lorenzo Andreoletti

Poesie dal 15° al 1° posto
14 La pora Dora Sondalo Giusi Simonelli
14 I pueti Andenno Marino Spini
13 Ul me vecc cutiif Talamona Cesare Ciaponi
12 Cà bandunadi Ardenno Giusy Gosparini
11 Nustalgia de sti agn Grosio Ivana Mosconi
10 Piaca Grosio Pietro Cimetti
9 La Kramera Bormio Dora Pozzi
8 Al va giu ‘l su Poggiridenti Abbondio Guglielmo Piasini
7 Un pense de poc paroli Verceia Mara Oregioni
6 Santantoni - o la storia de un brau cagnol Bormio Giuseppe Rainolter
5 Cudeghin e cudegot Grosio Pasquale Di Cugno
3° posto Barbula e Toni Cepina Costantino De Monti
3° posto La poesie... che magia Albosaggia Paolo Piani
2° posto Cucundria Ponte in Valtellina Duilio Moltoni
1° posto Al bocc Chiavenna Lorenzo Andreoletti

Prima poesia classificata: “Al böcc” di Lorenzo Andreoletti

Al böcc

Pasăvi giò de pòos e ne l'asfàlt o vist un böcc, ròba de pòoch, pensàvi, perché inšcì a öcc
quel böcc su la štràda, špostàa un po' su la déštra l'éra grand còme ‘na fondìna de minéštra.
Pròpi alòra al pasàva na guàrdia comunàal,
al gh'è giràa in gir e po' l'a cominciàa a guardàal,
al g'a pensàa su ben e a la fin l'a decidǖü
che l'era ‘n probléma mòlto püsée gran de lüü.
Per troà la soluziòon l'a ciamàa al comandàant,
e i en štaa scià in trii con sìrena e lampegiàant.
Dopo ‘n consǖlt i en rivàa a la conclǖsion:
al sarés staa ‘n técnich a troà la solǖzion.
Finàlment l'é rivàa al geòmetra del Comǖün
E l’a decidǖü che de lì al pasàva pù nesǖün.
I an metǖü giò i transèn per la deviazìòon,
intant i àvesen ciapàa la giǖšta decisiòon.
Ormai la situaziòon la s' éra fàda crìtica
E la decisiòon l’àvess dovǖü vess polìtica.
I an convocàa d’ürgénza al Consìglio Comunàal
Che l’a decidǖü de domandà ‘n paréer legaàal.
Al paréer de ò’avocàt l’è rivàa dòpo trìi dì
E in mezz a tànti paròi al diséva inšcì:
sǖbit l’ocoréva ‘n càrtel de segnalaziòon
per la velocità con ‘na limitaziòon,
e ‘l precisàva che ‘l Comǖün, per paràs al cüü,
de càrtei l'àvess dovǖü méten su àlmeno düü,
domà inšcì, se ‘l capitàva ‘n incidént,
l'Amminištraziòon ghe n’àvess impodǖü de gnént,
e quaidǖün al podéva ànca špacàas la zǖca
l’era asée scrìv sul càrtel: "Attenzione buca".
Adéss al ghe voréva ‘n po' de paziénza:
mancàva ‘l perméss de la Sovrintendénza.
I an mandàa ‘n técnich in misiòn a Milàn
che l'é tornàa con l'autorizaziòn in màn.
Sùbit al laorà se podéva incominciàl:
baštàva rišpetà la prešcriziòon nel šcern al pàl.
A Ciavéna se po’ mìnga pientà i pai rodóond
per podè fa quaicòs de divérs da tǖto al móond.
Štavòlta i an saràa ‘n öcc perché, a vess sincéer,
al mancàva amò al nulla osta di pompiéer.
L' ürgénza l'a evitàa 'n àpalt internazionàl
e inšcì l'è riváa l'imprésa a píentà ‘n pàl.
Con un šcàvadoo, 'na botǖmiera e ‘l das de fa
nel gir de quàter dì i an finìi ‘l laorà.
Al pàl l'era lì driz blocàa con botǖm
ma per intánt al pòdeva pasà gnamò nesǖn.
I en rivàa in quàter a mett in pè düü trabatéi
e po' i špecialìsti i an tacàa su i cartéi
e, àpena i en štaa su i segnài coi rifrangént,
gh'è štaa ‘l còlaudo per po' fa pasà la gént.
Son ripasàa de Ciavéna dòpo ‘n mesét
e ormai quel böcc l'era diventàa ‘n bell laghét,
un laghét tanto béll e profòond che, quand al piȫöv,
i podesen ànca rivà i ran a met giò i ööv.
Adéss ormài de štopà ‘l böcc na parlén gnànca,
dopo tǖti sti laorà i en i ghéi che mànca.
Al ghe vor specià la nòva finanziària
con i fòndi per podè butà tüt per ària.
Un mes fa l'éra àsee ‘n stradìn con la caréta
e 'na badilàda de càtram con la geréta.