L’arco in rosa della Tangenziale di Tirano

E’ ferragosto! Serpentoni di auto invadono Tirano; ebbene per vostro relax vorrei offrirvi uno spettacolo gratis nella zona del Campone in Tirano. Nella zona dove stanno lavorando per la costruzione della tangenziale rimarrete stupiti nel vedere un semicerchio rosa disegnato sulla parete in cemento. Se andate sul posto a vedere, quel semicerchio vi ipnotizzerà e rimessi dallo stupore innalzerete all’unisono un “hurrà“ talmente forte da farlo sentire alla Maria Lüisa in piazza Cavour.

Per anni ho sognato quell’arcobaleno disegnato sul cemento, quell’arco in rosa determina il punto esatto dell’inizio di una galleria in roccia che sbucherà poco sopra il Castellaccio. Per anni, con l’amico Giancarlo e tanti altri abbiamo sognato, parlato e scritto della Tangenziale di Tirano, visto e studiato montagne di carta, letto le relazioni di Santo. Abbiamo discusso di mille cose, sempre nel segno costruttivo e ora è nato l’arcobaleno rosa segno evidente che presto l’interminabile colonna di mezzi che ora giungono dal Campone saranno ingoiati in un buco scavato nella montagna, proprio in quel punto segnato dal semicerchio in rosa.

Per quarant’anni noi tiranesi e altri abbiamo sognato un viale Italia meno inquinato, meno rumoroso. Pensavamo, in un sogno collettivo, il Viale Italia come un “sentierone” dove si potesse passeggiare con i bimbi, con moglie o fidanzata così come si passeggia in un calmo e sereno paese di montagna dove la quiete regna sovrana e il pensiero non è infranto dal crepitare dei tubi di scappamento di camion, auto e moto.

Amici, sta arrivando il momento del “gratta montagna “ . Esultate! Forse è arrivato questo momento per merito di Amministratori ma soprattutto io credo, l’impulso determinante è stato dato dalla “santa Olimpiade del 2026. “ Noi tutti fra breve potremo vedere innanzi a quell’arco rosa la poderosa macchina scavatrice che rosicchierà palmo per palmo la roccia per formare la galleria. Terminata la galleria che sbucherà, appena sopra il Castellaccio, dopo un breve raccordo di strada se ne aprirà una altra presso il Dosso sino a raccordarsi con il tratto all’aperto della zona della Giustizia, indi sino alla Ganda, per la raggiungere S. Bernardo e poi alla volta di Stazzona. Coloro che desiderassero conoscere il percorso della tangenziale nei minimi particolari possono digitare “Comune di Tirano “e poi “Progetto Esecutivo Tangenziale” per vedere le varie tavole del tracciato. 

Ora vorrei portarvi un poco nel passato, cioè ai tempi delle leggende dei nostri avi nati in questi siti dove la galleria transiterà e che “intercetterà “luoghi di storie che permangono nel ricordo d’ogni tiranese. Il tempo non li ha cancellati, anzi semmai rinvigoriti nel nostro immaginario.  

Propongo la storia “ L’or del Castèl de Santa Maria”. La storia dovete leggerla in dialetto, sarà una dolce pena che a me fa piacere. Quando avrete finito di leggere la storia, mi è d’obbligo informarvi che se durante i lavori di costruzione della tangenziale, in quei siti, si ritroverà la cassa piena dei 10.000 scudi d’oro che è stata sepolta della frana della Valle dei Büi  a monte del castello di S. Maria, sappiate che metà del tesoro spetta a me di diritto poiché ho tramandato la storia ai posteri, come mi ha comandato il vecchio Pedru.

Poi se si scoprirà la leggendaria galleria che dalla località Dosso giungeva al Castellaccio e dal Castellaccio arrivava sino alla zona  ora chiamata Bersaglio, i primi a dover   ispezionare il lungo camminamento, con casco e torcia, dovrebbero essere il sindaco con il suo Vice. Se poi  si scopriranno le vecchie sorgive d’acqua della Valle dei Büi, quelle che un tempo alimentavano alcune fontane di Tirano ,offrirò solo per quelli che hanno creduto alle vecchie storie del Castelasc una sana bevuta gratis. Parola di Méngu.  

L'or del Castèl de Santa Maria

Chèla sìra 'l Pédru, l'éra igliò slungàa cùma 'n vèrum, cun la bàla dèi öcc anversàda e 'l tràva sü òri de fa tremà 'l lüm pundàa 'n tela spùnda del lècc.

L'éra rüàa giù dèla sò sèlva de Ca di Gatèi cun an gèrlu de castègni e 'na fam de maià la curègia deli bràghi; iscì apéna rüàa 'n cusìna, la tacàa a maià de angùsa 'n cudegòt frècc che 'l rasentàva 'n chìlu e pò la netàa sü 'na bièla piéna de patàti che l'éra ilò sùra la pìgna smòrsa, pò gnamò abòt, l'èra taiàa giù dùi slèpi de furmài pizzighént e rusegàa trèi brasciadèli sèchi cùma braschée e par finì, l'éra slapàa fò 'n grant ciapèl de vin.

Picàa sü l'ultim rüt, l'éra mulàa la curégia dei bràghi parchè l'èra stìnca de taiàl de mèz.

Chèla sìra parò l'éra 'na sìra frégia d'inveràn e lüü cùma 'l so sòlit, 'l duéva trach giù la bùia 'n tel sciùsch al ciùn e cun malavöia 'l séra ‘nviàa giù par la stàla cun al sedèl. Sicùma l'èra mulàa la curègia par rüàch a caminà dricc, 'l Pédru 'l gh’éra bas al cavalòt deli bràghi, la camìsa la gh’éra scapàda fò sü sut e la pàta l'éra sbarlatàda depü de quàndu l'èra facc 'l militàr a Brèsa. Iscì l'éra ciapàa frècc sénsa nacòrges e l'éra rüàa sü much muchént dala stàla cun an pass de galìna zòpa e 'l s’éra tracc giù 'n tèl paiùn sénsa dì amèn ala so fèmna.

La sò fémna, quàndu la suntüü i scarfòi del lècc a bufà, l’à tracc int 'n öcc e i l’à vedüü 'l sò um dricc e stìncu cùma 'n burèl sùra 'l lecc. Por Pédru, l’éra maltràcc ansèma e iscì lée la g’à tracc fò i scarpùn e i bràghi, pò sicùma l'éra lì ammatulìi, la ga facc al sègn dela crus e l'èra curüda giù dela mìa àva par fas amprestà la bùla de l'àqua par mètech sü 'n tel stùmach.

Mì, quàndu u sentüü che 'l Pédru 'l stàva mìga bée, sòo curüü sü sübit a vedè e apéna sòo rüàa ilò 'n stànsa 'l ma parüü mòrt. Piàn pianìn ma sòo svisinàa par vedè se 'l rantelàva u l'éra già tiràa i ültim, ma lüü cun al fa de 'n grant af, la debrìi 'na mèzza bàla de öcc sinìstru e cun la bùca de travèrs 'l ma dicc sutaùs: “Bràu Eziu, ta se curüü sü par vedè se tiràvi i argàli, gòo piasè parchè capìsi che ta ma völet bée e iscì ta svelaròo 'n segrétu. Pìzza 'l lüm, van ilò a pröf a chèl bügigàtul, tirà fo chèl sas güz, scàzza int cun an dìi e ta truerèe 'n ròtul de càrta stramüsciàda, pòrtumala chilò prìma che non chègi pü bàguli. Vàrda che chèsta càrta i ma l’à dàcia 'l mè af che i ga l'éra dàcia 'l sò bisàf; ilò ta trüerèe segnàa sü 'na crus e l'è ilò andùa 'l gh’è suteràa l'or del Castèl de Santa Maria.

Sàbet che nigügn i sa regòrda che quàndu i’èra rèe a fa sü i mür del Castelàsc i sciùr rüàa sü da Milàn par pagà li spési dèla culscìna e de òtra ròba i éra ramàa scià 10.000 scüdi d'or cun li tàsi ala pòra gént de chilò ‘n Valtulina. Ta gh’ée ànca de savè che sés marcantòni de armìger 'na sìra de piàch dela gènt i’èra rèe a purtà sü ai sciùr del Castelàsc chèl scrign piée de munédi d'or. I pasàva sü par 'l sentèe de mèz, pròpi ilò andùa adès 'l gh’è i pràa dei Pap par rüà sü par 'l purtùn grant del Castelàsc. Chèla nòcc 'l piuvéva de brüt, s’ga vedéva negùt , 'l gh’èra 'n gìru nigügn parchè chèi fò al Dos i’éra sentüü la scivèta besulà e 'n cabrùn che 'l picàva i còren cùntru la Santèla de S. Roch e l'éra brut sègn. De 'n bòt l'è rüàa giù la rüina dela Val dei Büi e la suteràa cun an grant mutèl de sas chèi marcantòni cun ànca 'l scrìgn del or.

I nòss vècc i diséva che la rüina l'éra vegnüda giù iscì gròsa de rüà fina giù ala Giüstizia. Parò ün dei mè antenàti che 'n chèla nocc maledèta l'èra giù 'n stàla a cürà la vàca che la pantegiàva e la strepenàva la cadéna cùma sa la vulés dì vargùt e l'éra vedüü chèi armìger cun al baül de l'or restà suta la rüina  la facc giù 'l ducümènt.

Mèngu, mì ta völi bée e adès che to dicc al segrétu e te gh’ée scià la càrta ta pö vegnì àa sciùr ànca tì se ta scàzzet 'n tela rüina e ta trüet 'l baül”.

‘N chèl bot l'è rüàa la so fèmna cun la bùla de l'àqua còlda, i ga l’à slampàda sül stùmach del Pédru e lüü cùma 'n grant fa balòs la tasüü giù, la saràa la bàla del'öcc e 'l sa 'nsciüchìi. Mi, 'n pit stremìi, u pundàa la càrta sùra 'l cumò, u salüdàa e so ‘ndàc giù de l'àva.

Ala matìna, prìma de 'ndà a purtà 'l lacc an caséra, u volüü rüà sü amò 'na òlta dal Pédru par vedè cuma 'l stàva, u 'ncuntràa la so femna fò deli àsci e la ma dicc: “Sta tranquìl, 'l Pédru stamatìna l'è levàa sü arzìlu, parò l'è vegnüü sübìt gnèch quàndu gùu dìcc che par pizzà la pìgna u ciapàa scià 'l toch de càrta che l'èra igliò pundàa sùra 'l cumò, la bruntulàa sü 'n vargùt e l'è scapàa sü par la sèlva rabbiùs e 'l ma usàa rée che nòtri 'n diventerà pü sciùr gnàa par s’ciupà sèch.”

*****

'L Pedru adès 'l gh’è pü, mì parò u tegnüü 'l segrétu fìna sti dì.  Sòo segür che la càsa d'or la sulterà fò quàndu i scaverà per quèli rüini, parò fòo ànca savè a chèl che 'l trüerà l'or 'l garà de fa a mèz cun mi!!

Ezio (Méngu)