’L vàlzer dei pretendént

Ecu! Lè  rüàa ì dì de angùsa ‘n de ‘l gòs,

de chèi che crìda; vutìm mi che sòo ‘n chècu,

mi sòo un che ‘l mèt ‘n de ‘l sàch i grant balòs.

Gént! ‘L va pàrla ‘l voss pü grant amìs!

Mì sòo, mì fòo, mi gòo, mi va giütaròo,

va daròo, va faròo, garìi, ramarìi,

cun mì sarìi, farìi, ciaparìi, pudarìi,

sénza de mì i va ciaparà par giupìi e matòo.

Gént! Vutìm mi  chè sòo pü fürbu de ‘n bis!

La Rusina la crida: Trèi vòlti sèt ‘l fa vintün

bàsum ‘l cül e dìgal a nigügn !  

Amìs! Mì sòo par viòtri l’um giüst e güz

sénza de mì i va tirerà sémpre a strüz.

Amìs! Ma cargaròo ‘l scervèl dei voss pensée

parchè mì sòo mìga ‘n um cargàa ‘ndrée.

La Rusina la grida : Ave  Maria, gràzia plèna

ciàpa ‘n pàl  e dàghèl giù par la schéna !

Ma ècu ‘na fèmna che la crida: Cari surèli 

vutìm mi e i  vòs pensée e i vòss dulur   

i svanirà, sarìi fèmni sciuri e  riverìdi.

Fiöli cari, dai vòs um sarìi carezàdi e servidi !  

Chel che ma dumanderìi ‘l farò cun amur ,

va disaròo sèmpru de sì e vederìi ròbi bèli.

La Rusina la crida: Car Signur benedèt

làgum ulsà ‘na gamba per mulà ‘n pèt !

Ma ècu che sa sént  ‘na us misteriusa

che la diss: mì sòo ‘n tiranès de vècc stamp,

de chèi che ià lauràa vigni e camp,

de chèi che i sà cùsa ‘l völ dì la sgaìusa.

Se vuterìi gent buna  e cun sentimènt ,

la vòsa vita la sarà bèla e sarìi cuntènt

ma sèe vutiì gent de favèla e àa cativ pulitìch

per cinch àgn, chèla gént i va farà cagà stitich .

Ezio ( Méngu )