MENU
/Castellaccio cantine

Il prete dannato del Castellaccio

CULTURA E SPETTACOLO - 20 03 2018 - Méngu

CONDIVIDI

/Cantine del castello di S. Maria ( Castelàsc )
Cantine del castello di S. Maria (Castelàsc)

Ascoltate! Ascoltate!

Così gridava il vecchio Pietro con le mani nei capelli mentre guardava lassù tra le mura del Castellaccio, sopra i prati dei Pap. Le donne presso la fontana di S. Maria, vedendo gli occhi di Pietro spiritati, s’erano accovacciate sotto il lastrone del lavatoio come galline che stanno covando; piangevano e pregavano con in bocca la corona del rosario. Con quel gridare la mucca del Füstèla , che si stava abbeverando alla fontana, era scivolata per lo spavento sopra il selciato: dalla mammella aveva perso il latte ed era diventata come un fico appassito . Nell’alzarsi aveva scaricato due feci così molli che avevano lordato le donne e la Santella.

Ascoltate!! Ascoltate! Belava il vecchio Pietro da sembrare impazzito. Teneva diritte le braccia e guardava verso le mura del Castellaccio con la bocca aperta tanto che gli si poteva vedere l’intestino .

Gridava: “ donne, donne correte giù per i campi a chiamare i vostri uomini e in ginocchio confessate i vostri peccati e se non vi uccideranno correte in Chiesa a recitare preghiere perché sta arrivando la fine del Mondo. Donne, mettetevi una mano sugli occhi, perché vedrete sopra il Castellaccio aprirsi il cielo, le nubi si raduneranno come escrementi di mulo sopra il selciato e per tre giorni pioverà urina e tempesteranno escrementi di capra.

Donne ascoltate! Ascoltate me che non sono un tonto ! Il Mondo sta per finire! Ascoltate !! Cantano il Te Deum !

I due preti dannati murati vivi nelle cantine della piazza D’armi del Castellaccio adesso sono culo e camicia e insieme cantano il Te Deum!

Io che allora ero un ragazzino di fegato, quando ho sentito mia nonna emettere un grande peto, correre in stanza, tagliare il materasso con il falcetto e prendere i soldi nascosti mi sono spaventato e mi sono messo a piangere.

Dovete sapere che il vecchio Pietro mi voleva bene e così vociando mi ho detto : “Lello, Lello, lascia stare i libri, vieni da me, vieni subito e ci nasconderemo dove il Mondo non finirà, noi siamo troppo giovani per morire, vieni da me subito !”

Così Pietro senza farsi notare da alcuno, con dietro il gatto , mi ha portato giù in cantina, ha serrato il catenaccio e ha chiuso la porta.

Sotto la luce della candela Pietro aveva una faccia color latte quagliato e due occhi che sembravano una zucca con dentro una candela accesa, ma io non ho fatto parola.

Pietro mi ha detto” Birichino, se hai fame taglia dal filare un pezzo di carne secca o una salsiccia o un pezzo di formaggio; io per farmi un poco di sangue ho bisogno di bere un litro di vino e poi ti racconterò la storia maledetta dei due preti dannati del Castellaccio.

Bevuto il litro e dopo aver strizzato i baffi bagnati ha iniziato a raccontare quello che raccontavano i nostri avi. Proprio dove ora c’è quel bel frutteto, lì in fondo c’era una belle chiesetta che era dedicata a S. Maria , quella chiesa però era ufficiata da un prete dei nostri e da un prete luterano. Prima celebravano la nostra Messa, poi quella luterana.

La chiesa era sempre piena come un uovo quando celebravano la nostra messa e metà vuota quando faceva la messa il prete luterano.

Così il prete luterano era geloso e un bel giorno ha litigato con il nostro prete e si sono persino picchiati. Quel giorno c’era tanta gente nella piazza d’armi del Castellaccio e quando il prete luterano ha dato un ceffone al nostro prete, il cielo si è aperto ed è diventato nero come il sedere di una mucca ed è piovuto urina e sterco di capra e si è sentito borbottare una voce da tuono che diceva “ avete la stessa mamma, avete lo stesso padre ma siete come fratelli gelosi che litigano per una fetta di brodo . Sarete dannati giù per le cantine del Castellaccio e quando vi metterete d’accordo canterete insieme il Te Deum e il mondo finirà. “

Poi un tuono come fosse franato il Canalone ha fatto tremare il Castellaccio e quelli che erano lì sono scomparsi tutti”.

Trascorsa la notte nella cantina Pietro ha deciso di mandare fuori il gatto per vedere se il Mondo c’era ancora. Il gatto è tornato con un topo in bocca e così si è capito che fuori dalla cantina il Mondo c’era ancora.

Arrivati nella corte abbiamo trovato la mia nonna e la donna di Pietro che stavano piangendo perché non sapevano dove eravamo andati.

Pietro si guardava intorno impaurito , ha guardato il lavatoio e le donne che facevano il bucato e chiacchieravano e spaventato ha detto. “ Alla malora , il Signore ha lasciato solo le donne al Mondo !

Che fregata Lello, che fregatura ! Eppure i nostri vecchi dicevano che quando i preti dannati avrebbero cantato insieme il Te Diem il Mondo sarebbe finito!”

Allora mia nonna furente gli ha detto “ Pietro non farmene più “ Quelli che cantavano il Te Deum al Castellaccio erano gli uomini della Rosina e della Orsolina che avevano bevuto due litri di vino e erano contenti perché le loro donne erano partite per fare la stagione a S. Moritz.

E tu Lello, fila subito nella corte a studiare sennò lavorerai la terra come quel birbante di Pietro e ricordati che la terra è bassa. “

 

 

In dialetto Tiranese con dizione in MP3 di Méngu (clicca qui)

 

I prèvat danàa del Castelàsc

Scultìi! Scultìi!

Iscì ‘l cridàva ‘l vèciu Pédru cun li màa ‘n dei cavèi ‘ntànt che ‘l vardàva sü la müràca del Castelàsc ilò sùra i pràa dei Pap.

Li fèmni ilò al büi de S. Maria, vedéndu i öcc del Pédru spiritàa, i séra ‘ncrisciulàdi sùta ‘l lastrùn dela bügàda cùma galìni che i è rée a picà fo l’öv; i lüciàva e i uràva cun ‘n bùca la curùna del rusàri.

Cun chèl cridà la vàca del Füstèla, che l’éra ilò al büi a bév, l’éra sgarletàda par ‘l stremìzi sùra ‘l risc,‘l pècc l’éra perdüü ‘l lacc e l’éra vegnüü cùma ‘na pàsula. Levàda sü ‘n pè l’éra scargàa fo dùi sciòti mulesìni che i à sbrüfàa li fèmni e la Santèla.

Scultìi! Scultìi! ‘L besulàva ‘l vèciu Pédru che ‘l paréva dacc fo de mat. ‘L stincàva fo i brasc e ‘l vardàva sü li müràchi del Castelàsc cun la bùca avèrta che ga sa vedèva fìna ‘l büdèl cülari.

L’usàva: “ Fèmni, fèmni curìi giù par i camp a ciamà i voss um e ‘n ginöcc cunfesìch i voss pecàa e se i va cuparà mìga curìi ‘n gésa e disìi sü pàter parchè l’è scià la fìn del mund.

Fèmni , metìf ‘na màa sü i öcc parchè vederìi ilò sùra ‘l Castelàsc sguaràs ‘l ciél, i nìguli i sa ‘ngrupirà cùma sciòti de mül sùra ‘l risc e par trìi dì ‘l piuerà piscìna e ‘l tempesterà bàguli de càbra. Fèmni scultìi! Scultìm mì che sòo mìga ‘n òrgan! ‘L mund l’è rée a finì!

Scultìi!! I cànta ‘l Te Deum!

I dùu prèvat danàa müràa viv ‘n deli cantìni dela piàza d’àrmi del Castelàsc adès i è cül e camìsa e ‘nsèma i è rée a cantà ‘l Te Deum”.

Mì, alùra séri ‘n piscinèla de fìdech, ma quàndu u vedüü la mè àva picà fo ‘n grant pèt, cur giù ‘n stànza, sguarà ‘l paiùn cun ‘l rampelìn e tirà fo i ghèi piacàa ma sòo stremìi e ma sòo metüü rée a lücià.

Gh’ìi de savè che ‘l vèciu Pédru ‘l ma vuléva bée e iscì ‘l m’à usàa giù: “Lèlu, Lèlu, làsa bùi i lìbri, vén sü chilò ‘nsèma mì, vèn sübit che ‘n sa piacarà ‘ndùa ‘l mund ‘l finìs mìga , nòtri ‘n sa trop giùan par murì, vén sü debòt!” Iscì ‘l Pédru sénsa fas vedè de nigügn, cun derée ‘l gat,‘l m’à purtàa giù ‘n de l’invòlt, la tiràa ‘l cadenàsc e l’à ciavàa la pòrta.

Sùta la lüs dela candéla ‘l Pédru ‘l gh’éra ‘na ghìgna de serùn e dùu öcc che ‘l parèva ‘na züca pìza de int, ma g’òo dicc nigùt.

L Pédru ‘l m’a dicc “Brighèla, se ta gh’ée fam tàia giù ‘na slinzèga u lügànega, u ‘n toch de furmàcc, mì par fam ‘n pit ‘l sanch g’òo de bév ‘n pestùn de vin e po ta cünteròo sü la stòria maledèta dei dùu prèvat danàa del Castelàsc.”

Bevüü‘l pestùn e dòpu avè strücàa i barbìs ‘mbrumbàa l’à tacàa a dì e cuntàla chel che i cüntàva i noss avv. Sü ilò al Castelàsc ‘ndùa adès ‘l gh’è chèl bèl brülu, ilò fo ‘n funt ‘l gh’éra ‘na bèla gesìna che l’éra dedicàda a S. Maria, chèla gésa parò l’éra ufìciàda da un prèvat dei noss e da ‘n prèvat lütér.

Prìma i fasèva la nòsa mèsa e po chèla dei lütér.

La gésa l’éra sémpru piéna cùma ‘n öv quàndu i faséva la nòsa mèsa e metà vöida quàndu i faséva mèsa ‘l prèvat lütér.

Iscì ‘l prèvat lütér l’éra gelùs e ‘n bèl dì ‘l s’à tacàa sut cun ‘l noss prèvat e i sa fìna picàa. Chèl dì ‘l gh’éra ilò tànta gént ‘n dela piàza d’àrmi del Castelàsc e quàndu ‘l prèvat lütér ‘l g’à mulàa ‘l crapadùn al noss prèvat , ‘l ciél ‘l s’à debrìi e l’è tacàa a vegnì négru cùma ‘l cül de ‘na vàca e l’è piuüü piscìna e bàguli de cabra e s’à sentüü burbutà ‘na us cùma trun che la diséva: “Gh’ìi la stèsa màma, ghìi lu stès pa ma sìi cùma fradèi gelùs che i sa tàca sut par ‘na fèta de brö. Sarìi danàa giù ‘n dei invòlt del Castelàsc e quàndu va meterìi d’ecòrdi canterìi ‘nsèma ‘l Te Deum e ‘l mund ‘l finirà.”

Po ‘n trun cùma se ‘l vegnìs giù ‘l Canalùn l’à facc tremà ‘l Castelàsc e tücc chèi che i gh’éra ilò se i è pü vedüü.” Pasàa la nocc giù ‘n de l’ invòlt, ‘l Pédru l’à decidüü de ‘nvià fo ‘l gat dala cantìna par vedè se ‘l mund ‘l gh’éra amò. ‘L gat l’è turnàa cun ‘n rat ‘n bùca e iscì s’à capìi che fo süsùra ‘l mund ‘l gh’éra amò.

Rüàa sü ‘n curt m’à truàa la mè àva e la fèmna del Pédru che i éra ilò a lücià parchè i séra mìga ‘ndùa ‘n séra. ‘L Pédru ‘l sa vardàva ‘ntùran stranìi, la vardàa fo al büi li fèmni che i faséva bügàda e i ciaculàva e stremìi l’à dicc: “La Madòcina ,‘l Signùr l’à lasàa apéna li fèmni al mund! Che fregàda! Lèlu che fregàda! Epür i noss vècc diséva che quàndu i prèvat danàa i arés cantàa ‘nsèma ‘l Te Deum ‘l mund ‘l sarés finìi!”

E la mè àva rabbiùsa la g’à dicc: “Pédru fàman pü! Chèi che cantàva ‘l Te Deum ilò al Castelàsc i éra i um dela Rusìna e de l’Ursulìna che i éra bevüü dùu pestùn de vin e i éra cuntént parchè li so fèmni i è partìdi par fa la stagiùn int ilò a S. Mòritz. E tì Lèlu, fìla giù ‘n curt a studià sedenò ta laurerée la tèra cùma chèl balòs de ‘n Pédru e regòrdat che la tèra l’è bàsa”.

 

Méngu

LASCIA UN COMMENTO:

DEVI ESSERE REGISTRATO PER POTER COMMENTARE LA NOTIZIA! EFFETTUA IL LOGIN O REGISTRATI.

0 COMMENTI