Il Trenino giallo di Tirano. Ei fu!

Per la rubrica "Dialetto in pillole"

____________________________

‘L gh’éra e adès ‘l gh’è pü

L’éra iscì mai car, grazius e bèl,

‘l car trenìn giàld de Tiràn,

l’éra del Trenìn Rùs ‘n car fradèl

che ‘l gìrava ledìn sénsa bacàn.

L’éra iscì mai car, grazius e bèl,

tücc i raisìn i éra iscì mai cuntént,

che i sugnàva dì e nòcc de vedèl

scurazà li contràdi cùma ‘n serpént.

L’éra iscì mai car, grazius e bèl,

‘l gh’éra e adès ‘l sa ‘l vét pü girà!

‘L Trenìn Rùs ‘l pianc ‘l so fradèl ,

e ‘l dìs: “parchè ta sée scapàa de cà?

Tùrna! Tiràn l’è la tò cà u car fradèl

sénsa de ti ‘l vialùn de Madòna

‘l par ‘n stradùn müt e gnàa bèl,

li töi caròzi gialdi i gà faséva curùna.

Tùrna! Tùrna a cà u car e bèl fradèl!”

Méngu