Vèn, vèn, vèn, u tangenzial de Tiran

Scùlta, scùlta! Vàrda cùma lè bèl

quàndu ‘l pìca sèch ‘l gran martèl. 

Al mée pias àa se ‘l fa ‘n gran fracàs

ogni culp che dà per spàca i gros sàs.

Spachìi, tridìi sü tütt perché lè l’ùra,

scavìi àla matìna e àa de bùna ùra

i gros piatùn lauràndu àa dì e nòcc,

prèst ‘n völ vedè laurà int ‘n del böcc.

‘N völ pü vedè màchini e gran culòni,

‘n völ pü tirà fò saràchì e madòni!

Adès lè ‘n inférnu traversà fò Tiràn,

int per ‘l vial Italia lè ‘n gran  bacàn.

O Madona, Tèe dìcc: ” bée tàa garée”

alùra giüta i uperàri a fa i so mestée.

‘L Sindàch ‘l taierà ‘l nastru  inaugural,

 e cun la fòrbis ‘l taierà ‘n nos gran mal.

Chel bèl dì la gent la canterà ‘n coro:

Sindàch ta sée benvolùu e ‘n um d’oro!

Tiràn l’è vegnüü ‘l giuièl de Valtelina,

adès ma finìi de tribülà sìra a matìna.

Vén, vén, vén, u tangenzial de Tiran,

perchè chilò ades lè ‘n gran bacàn .    

Ezio ( Méngu )